Næsta stig - Kennsluleiðbeiningar

Góð ráð • Fagleg þekking: Hér skiptir máli eftir hvaða flokki eða viðfangsefni unnið er út frá en það er ávallt góð hugmynd að nemendur setji sig vel inn í viðkomandi viðfangsefni. Til dæmis er hægt að setja vinnuna í gang með því að hafa kynningu um viðfangsefnið sem varð fyrir valinu. • Uppgötvanir í nærsamfélaginu: Sjáið til þess að nemendur hafi tíma til að fara út og rannsaka nærumhverfið og finna vandamál sem þarf að leysa og vinna áfram. Það getur gagnast nemendum að nýta gögn sem þegar eru fyrir hendi og safna jafnframt eigin gögnum með því að fylgjast með og taka viðtöl við fólk í umhverfi sínu. Þetta snýst um að nemendurnir reyni að skilja umheiminn og finna mögulegar áskoranir til að leysa. • Ný sýn: Til eru margar aðferðir sem hægt er að nota til þess að fá hugmyndir sem allar hjálpa til við að sjá nýjar hliðar á hlutunum. Byrjið á að hafa sameiginlega þankahríð í bekknum – því fleiri sem leggja höfuðið í bleyti, þeim mun fleiri hugmyndir. • Skilgreinið vandamálið: Eftir að nemendur hafa farið út til að kanna og uppgötva umhverfið ættu þeir að geta skilgreint af meiri nákvæmni á hvaða sviði þeir vilja vinna og síðar meir kannski koma fram með nýjungar á því sviði.