Næring og lífshættir

45 M atvælafræ Ð i Sætt án sykurs Sætuefni eru notuð til að gefa matvælum sætt bragð án þess að nota sykur. Þau flokkast sem aukefni, það er hjálpar- efni sem notuð eru við framleiðslu matvæla. Þeim eru gefin númer, E-númer. Bókstafurinn E er hluti af merkingarkerfi aukefna sem á uppruna sinn í að rekja til Evrópusambands- ins. Á umbúðum matvæla eru sætuefnin einkennd með viðurkenndu heiti eða E-númeri. Sumir halda að sætuefni séu nútíma uppgötvun en svo er ekki. Elst þeirra er sakkarín og var það fyrst framleitt árið 1879. Notkunin var lítil fyrst í stað en jókst mjög í fyrri heims- styrjöldinni þegar skortur var á sykri. Almenn varð þó notk- unin ekki fyrr en upp úr 1970 þegar sykurlausir gosdrykkir komu á markað. Seinna bættust svo fleiri sætuefni í hópinn og enn fjölgar þeim. Flokka má sætuefni í tvo flokka, annars vegar gervisætuefni og hins vegar sykuralkóhóla. Gervisætuefnin eru efnasam- setningar sem eru búnar til úr öðrum efnum en sykuralkó- hólana er að finna í ýmsum jurtum. Gervisætuefni eru öll mun sætari en sykur, allt upp í 600 sinnum sætari. Það gefur því augaleið að ekki þarf að nota mikið af þeim til að ná fram sætubragði. Í því magni sem þau eru notuð gefa þau litla sem enga orku (hitaeiningar). Þessi efni valda ekki tann- skemmdum eins og sykur og þau geta verið góður kostur fyrir þá sem þurfa að forðast sykur eins og til dæmis sykur- sjúka. Notagildi gervisætuefna: • Engar hitaeiningar. • Skemma ekki tennur. • Henta sykursjúkum.