Næring og lífshættir

42 M atvælafræ Ð i 2.3 Sykurtegundir sem myndast við vinnslu sykurs Heiti efnis Lýsing/útskýring Mólassi Þykkfljótandi bragðmikið, dökkt síróp, aukaafurð við sykurframleiðslu. Hrásykur Sykur sem ekki hefur verið hreinsaður alveg. Í þessum sykri getur verið örlítið af steinefnum, einkum járni. Þegar sykur hefur verið hreinsaður myndast hvítur sykur. Hann er svo unninn á ýmsan hátt og gerðar úr honum ýmsar vörur. 2.4 Vörur úr hvítum sykri Heiti vöru Vinnsla/notkun Strásykur Hvítur sykur sem er unninn úr sykurrófum eða sykurreyr. Molasykur Strásykur sem er bleyttur, pressaður saman í ferkantaða bita eða höggnir úr honum molar. Ef molasykurinn er brúnn er hann gerður úr hrásykri. Flórsykur Strásykur sem er malaður þar til úr fæst fíngert duft. Oft er kartöflu- eða maíssterkju bætt við sykurinn til að koma í veg fyrir að það myndist kekkir. Notaður í kökukrem og bakstur. Vanillusykur Flórsykur sem vanillu hefur verið bætt í. Notaður í bakstur og eftirrétti. Perlusykur Hvítur sykur þar sem sykurkristallarnir eru látir verða sérstaklega stórir. Notaður sem skraut á bakstur. Brjóstsykur Búinn til með því að bæta bragðefnum við sykur, bræða blönduna þannig að úr myndast þykkur massi, án þess að hita of mikið (því þá myndast karamella) og móta svo massann í litla mola. Púðursykur Er hvítur sykur sem út í hefur verið bætt mó- lassa eða sírópi. Í fyrstu er hann mjúkur en getur harðnað við geymslu ef hann er ekki geymdur í vel lokuðu íláti því vatnið úr mólassanum eða sírópinu gufar upp.