Myndamáttur

Myndamáttur | © Menntamálastofnun 2021 | 40663 33 ///////////////////////////////////////////////////////////////////////////////////////////////// Lykilhæfni nemenda Geta spurt rannsakandi spurninga, skipulagt eigin áætlanir og endurskoðað ferli við efnistök og úrvinnslu verkefna. Geta unnið sjálfstætt og í samvinnu með öðrum, geta notað fjölbreytta miðla við skipulag, nýsköpun og þróun og fram- setningu upplýsinga og hugmynda. Hverju þarf kennari að huga að? Hér er markmiðið að styrkja hugmyndir og áform nemenda. Til þess þarf hver og einn að upplifa að hugmyndir hans skipti máli og séu þess virði að vinna að. Með slíkt veganesti geta nemendur breytt löngunum sínum í áform og nýtt áform sín með jákvæðum hætti fyrir samfélagið. INNLÖGN Hér tökum við stöðuna og lítum yfir þau verkefni sem nemendur hafa unnið að hingað til. Mikilvægt er að eiga í samtali við nemendur umupplifun þeirra af ferlinu: / Hvaða myndir eru þau ánægð með og af hverju? / Hvað hefðu þau viljað gera betur? / Hafa þau hugmynd um hverju þau myndu vilja miðla með ljósmyndum? / Hvað gæti þeirra höfundarverk fjallað um? Umræðuspurningar í þessum anda hjálpa nemendum að þróa hugmyndir og áform um að miðla sýn sinni til annarra. Hér er gott að gefa nemendum tíma til að skoða myndirnar sem þau hafa tekið og velta fyrir sér hvort þar sé að finna rauðan þráð sem tengist hugmyndum þeirra, áhugasviði eða sjónarhorni. Endurspegla þær eina rödd eða segja þær margar litlar sögur? Er frásögnin skýr eða þarf að skerpa á henni með frekari úrvinnslu?