Myndamáttur

Myndamáttur | © Menntamálastofnun 2021 | 40663 27 INNLÖGN Áður en haldið er í gönguna er mikilvægt að kennari hafi ákveðna leið í huga. Hægt er að afmarka gönguna við ákveðið svæði en það getur verið snjallt að leiðin innihaldi m.a. kunnuglega staði, óvænta útúrdúra, rými semhafa ólíkan samfélagslegan tilgang og rými semólíkir hópar tilheyra. Kennari útskýrir fyrir nemendum að þau eigi að taka myndir af því sem fangar augað á leið þeirra. Mikilvægt er að þau fái góðan tíma á göngunni en við mælummeð að lágmarki 30 mínútna gönguferð. Kennari getur ákveðið að biðja nemendur um að ganga í þögn til þess að tryggja að allir fái tækifæri til að horfa í kringum sig. Hann getur hins vegar staldrað við á ákveðnum stöðum og gefið tíma fyrir stutt spjall ef þörf þykir. /////////////////////////////////////////////////////////////////////////////////////////////////// Hverju þarf kennari að huga að? Ákveða þarf í upphafi hvort taka megi myndir af fólki eða ekki í göngunni, það gæti dregið gönguna á langinn að fá samþykki frá öllum en gæti líka verið áhugavert. Huga þarf að hópastærð og samskiptum á meðan á göngunni stendur. Það getur reynst snúið að halda utan um stóran hóp ef gefa á öllum tíma til að taka myndir að vild og á eigin hraða. Lykilhæfni nemenda Geta beitt mismunandi sjónarhornum, gagnrýninni hugsun við mótun og miðlun ólíkra viðfangsefna á skapandi hátt.