Myndamáttur

Myndamáttur | © Menntamálastofnun 2021 | 40663 22 //////////////////////////////////////////////////////////////////////////////////////////////////// Hverju þarf kennari að huga að? Kennarar ættu að leitast við að styðja við og draga fram þau ólíku sjónar- horn sem nemendur koma með í umræðu ummyndirnar. Hér skiptir máli að vekja áhuga og forvitni nemenda m.a. með því að hvetja til spurninga og umræðna á grundvelli margbreytileika. Upplifun einstaklinga af einni og sömu myndinni getur verið afar ólík í ljósi mismunandi reynslu og bakgrunns. Ljósmyndarar nýta flestir eftirvinnsluforrit til þess að styrkja frásögn og hugmynd myndar. Eftirvinnsla getur hins vegar spannað allt frá því að vinna með ígrunduðum hætti í myndvinnsluforritum til þess að nýta sér gagnrýnislaust fyrirfram hannaða filtera á samfélagsmiðlum. Hér er því kjörið tækifæri til að ræða á gagnrýninn hátt um möguleika og tilgang eftirvinnslu mynda. Lykilhæfni nemenda Geta notað orðaforða á fjölbreyttan hátt og viðeigandi hugtök sem tengjast margskonar umfjöllunarefni. Í ljósmyndabókalista á bls. 42 er bent á ljósmyndabækur og hlekki á ljósmyndir sem gefa hugmyndum hvernig hægt er að nýta miðilinn með skapandi og ólíkum hætti. Myndirnar munu án efa veita bæði nemendum og kennurum innblástur.