Miðaldafólk á ferð

Var Kólumbus barn síns tíma? Kristófer Kólumbus „fann” Ameríku árið 1492. Hefði hann ekki orðið fyrstur hefði einhver annar gert það sama inn- an tíðar. Þetta lá í loftinu. Evrópumenn sigldu lengra og lengra á betri og betri skipum og það hlaut að koma að því að Ameríka yrði á vegi þeirra. Kólumbus hafði ekki fordóma gagnvart indíánunum í byrjun. Hann átti friðsamleg viðskipti við þá í upphafi og sagði til dæmis í dagbók sinni um íbúa á einni eyjunni: „Ekki held ég að fólk þetta hafi nein trúarbrögð og ég er viss um að það mætti kristna fljótt því það er mjög greint”. En smám saman varð græðgin í gull og önnur verðmæti svo sterk að Evrópumennirnir sýndu yfirgang og lögðu löndin undir sig. Þeim blöskraði líka að sjá mannfórnir og mannát hjá indíánum og fannst að þeir yrðu að kenna þeim betri siði. Þá hafa þeir hugsað eins og málshátturinn segir: „Með illu skal illt út reka”. Það voru samt ekki vopnin og klækirnir sem fóru verst með indíánana heldur sjúkdómar eins og mislingar og bólusótt. Fyrr eða síðar hefðu þessir sjúkdómar borist til Ameríku og fólkið hafði ekkert ónæmi fyrir þeim og hlaut að hrynja niður. Innfæddir íbúar Ameríku áttu fáa mótleiki. Þeir voru ekki með eins gott skipulag og Evrópumenn og höfðu ekki eins mörg ráð til að vinna bug á vandanum. Eitt er víst, að Ameríka varð rík og voldug undir forystu Evrópumanna með þeim kostum og göllum sem það hafði í för með sér. 55