Miðaldafólk á ferð

52 Kristófer Kólumbus var einn frægasti maður mannkynssögunnar en hann er líka umdeildur. Árið 1992 voru 500 ár síðan hann sigldi til Ameríku og þá voru mikil hátíðahöld víða um lönd, sérstaklega í Ameríku. Sumir hylltu hann sem mikla hetju en svo heyrðist líka allt annað hljóð í öðrum sem sögðu að hann hefði verið ógæfa Indí- ánanna, grimmur og gráðugur. Enn aðrir reyndu að stilla til friðar og segja að hann hefði verið bæði góður og vondur. Hér á eftir eru búnar til mismunandi frásagnir af Kólumbusi til að sýna að hægt er að skoða fólk og fyrirbæri í mismunandi ljósi. Hvernig maður skyldi hann hafa verið? Var Kólumbus hugrakkur sæfari? Einu sinni var hugrakkur sjómaður sem hét Kristófer Kólumbus. Eins og margir aðrir velti hann fyrir sér hvernig hægt væri að komast til Kína á auðveldari hátt en erfiðu landleiðina – silkileiðina – sem venjulega var farin. Hann trúði því að jörðin væri hnöttótt en ekki flöt eins og pönnukaka eins og sumir héldu. Þess vegna hugsaði hann: Ef ég sigli nógu langt og lengi í vestur yfir höfin blá hlýt ég að lokum að koma til Kína – eða Austur-Indía eins og löndin þar um slóðir voru kölluð á þessum tíma. Kólumbus vissi að hann þyrfti nokkur skip í svona langa ferð og að hún yrði dýr. Þess vegna fór hann á fund konungs- hjónanna á Spáni, Ísabellu og Ferdinands, og bað þau um Hver var þessi Kólumbus?