Miðaldafólk á ferð

Staðir sem voru álitnir hafa mikinn kraft í trú og siðum urðu eftir- sóttir og margir vildu heimsækja þá. „Kannski kemst ég frekar í himnaríki ef ég fer þangað,” sögðu sumir. Og svo streymdi fólk á þessa staði, vegir voru lagðir og veitingastaðir risu við vegina. Fólkið sem fór á þessa helgu staði var kallað pílagrímar og ferð- irnar pílagrímsferðir. Slíkar ferðir tíðkast í flestum trúarbrögðum. Á miðöldum fóru kristnir menn í pílagrímsferðir til Jerúsalem fyrir botni Miðjarðarhafs vegna þess að Jesús Kristur hafði búið þar forðum. Þeir kölluðu svæðið Landið helga. Þangað var löng, erfið og hættuleg ferð. Arabar náðu landinu á sitt vald á áttundu öld en oftast var hægt að semja við þá og borga gjald fyrir að fá að fara um landið og heimsækja staði eins og Jerúsalem og Betlehem. 17