2. KAFLI Menntun til sjálfbærni – fræðilegur grunnur 53 2.6.7 UPPLÝSA OG FRÆÐA AÐRA – AÐ VIRKJA LÆRDÓMSSAMFÉLAGIÐ „Skólinn, nemendur og starfsfólk miðla upplýsingum um sjálfbæran heim, segja frá verkefnum sínum og reyna að fá nærsamfélagið með sér í þessa vegferð.“ Það skiptir máli að nemendur upplifi námið ekki eins og eitthvað sem á sér einungis stað í skólastofunni. Einnig á lærdómurinn ekki að vera einangraður við eigið líf nemenda heldur eiga nemendur að hafa áhrif út á við. Það er hluti af getu til aðgerða og valdeflingu nemenda. Nemendur geta haft áhrif á fjölskyldur sínar og aðra í nærsamfélaginu. Eins og oft hefur komið fram áður er menntun til sjálfbærni í framkvæmd, valdefling borgara í lýðræðissamfélagi. Verkefni skólans í menntun til sjálfbærni eiga helst að efla þannig tengingar og gera nemendum kleift að flétta fleiri en skólasamfélagið inn í aðgerðir og umbreytingar. Með því að nemendur fræða aðra mun það ekki einungis stuðla að valdeflingu þeirra heldur er það mikið lærdómsferli sem dýpkar skilning á málunum og rökfestu nemenda. Dæmi um þannig verkefni eru t.d. þegar einhverjir úr fjölskyldunni taka þátt, eða fyrirtæki á svæðinu, eða þegar gjörningur er gerður í verslun eða farið er með erindi til sveitarstjórnar o.fl. Dæmi um verkefni úr verkefnakistu Grænfánans: Fatamarkaður Hvernig voru jólin hjá ömmu og afa? Græna blaðið Með því að nemendur fræða aðra mun það ekki einungis stuðla að valdeflingu þeirra heldur er það mikið lærdómsferli sem dýpkar skilning á málunum og rökfestu nemenda.
RkJQdWJsaXNoZXIy MjIxNzc=