5. KAFLI Ógnir sem steðja að okkur – Loftslagsvá og hnignun líffræðilegrar fjölbreytni 150 Mynd 31: Mismunandi sviðsmyndir eftir aðgerðum á heimsvísu. (vedur.is) Viðvörunarbjöllur til mannkyns hafa síhækkað síðan þær heyrðust fyrst fyrir nokkum áratugum og nú virðist vera komin fram síðasta viðvörun. Antonio Guterres, aðalritari Sameinuðu þjóðanna, sagði í tilefni útgáfu skýrslu IPCC í apríl 2022 að þar hafa verið skrásett „endurtekin loforð í loftslagsmálum sem hafa verið brotin“. Hann ásakar ríkisstjórnir og viðskiptaleiðtoga um að efna ekki loforð sín og ljúga og að slík hegðun muni leiða til hamfara. Ef hitastig Jarðar eykst um meira en 1,5 °C geta heilu vistkerfin hrunið og breytingar verða á loftslaginu sem ekki verður hægt að snúa við. Vísindamenn IPCC eru einnig sammála um að þekkingin, verkfærin og kunnáttan séu til staðar til þess að hemja hlýnunina. Brýn þörf er fyrir umfangsmiklar aðgerðir án tafar.
RkJQdWJsaXNoZXIy MjIxNzc=