5. KAFLI Ógnir sem steðja að okkur – Loftslagsvá og hnignun líffræðilegrar fjölbreytni 146 SAMANTEKT Mannkynið veldur loftslagsbreytingum/loftslagshamförum og í dag er enginn vafi um það. Styrkur koltvíoxíðs í andrúmslofti hefur hækkað mikið og hratt síðan byrjað var að brenna jarðefnaeldsneyti. Afleiðingar aukinna gróðurhúsalofttegunda í andrúmslofti eru mjög miklar. Má þar nefna hlýnun, fjölgun öfgaatburða í veðurfari, aukna tíðni skógarelda, minnkandi lífbreytileika, súrnun sjávar og breytingar á sjávarstraumum og seltu. Þessar afleiðingar á náttúruna munu hafa gífurlegar áhrif á allt líf á Jörðinni, ekki síst á mannfólkið. Meiri hætta verður á matarskorti og hungursneyð, vatnsskorti, tapi á menningarheimum, heimilisleysi, auknum flóttamannastraumi, aukinni útbreiðslu ákveðinna sjúkdóma ásamt aukinni hættu á stríðsátökum. Losun gróðurhúsalofttegunda í andrúmsloftið er aðallega vegna brennslu jarðefnaeldsneytis hvort sem er í iðnaðarferlum, samgöngum eða húshitun. Einnig eru ýmsir ferlar sem losa gróðurhúsalofttegundir, t.d. við framleiðslu á sementi og eiturefnum, við meðhöndlun á úrgangi og vegna landbúnaðar, skógræktar og landnýtingar. 5.4 HVAÐ ER VERIÐ AÐ LOFA AÐ GERA – PARÍSARSAMKOMULAGIÐ 5.4.1 Alþjóðlegir samningar Þekkingin um samband brennslu á jarðefnaeldsneyti og aukins hitastigs hefur lengi verið til staðar og var staðfest með vísindalegum aðferðum í lok þriðja áratugs síðustu aldar. Varnarorðum vísindamanna til stjórnmálamanna hefur síðan fjölgað með tímanum. Síðan fyrsti alþjóðlegi samningurinn um aðgerðir í loftslagsmálum var gerður árið 1992 þar til núna 30 árum seinna, hefur styrkur koltvíoxíðs í andrúmslofti aukist stöðugt þrátt fyrir samninga og falleg fyrirheit. Á þessum 30 árum hefur helmingi þeirra gróðurhúsalofttegunda sem eru í andrúmsloftinu af mannavöldum verið dælt þangað, s.s. á þeim tíma sem valdhöfum hefur verið ljóst að loftslagsbreytingar eru raunverulegar og hættulegar. Parísarsamningurinn er fyrsti samningurinn þar sem öll ríki heims eiga að vinna saman að því markmiði að halda hnattrænni hlýnun vel innan við 2 °C, helst innan við 1,5 °C, miðað við meðalhita við upphaf iðnbyltingar. Til þess að það markmið náist þarf að eiga sér stað stórfelldur samdráttur á losun gróðurhúslofttegunda og ná kolefnishlutleysi eftir árið 2050. Parísarsamningurinn byggir á mikilli samvinnu milli ríkja og líka samvinnu við atvinnulíf, félagasamtök og
RkJQdWJsaXNoZXIy MjIxNzc=