4. KAFLI Leið til framtíðar – sjálfbær þróun 109 Þúsaldarmarkmið SÞ 2001 til 2015 og í kjölfar heimsmarkmið SÞ 2016 til 2030 voru og eru höfð að leiðarljósi á Íslandi. Meðal þeirra forgangsmarkmiða sem íslensk stjórnvöld hafa sett sér við innleiðingu heimsmarkmiðanna er m.a. markmið 4.7 um menntun til allra nemenda sem er ætlað að efla sjálfbæra þróun og sjálfbæran lífsstíl. Öll aðildarríkin SÞ, þar með talið Ísland, hafa skuldbundið sig til þess að vinna skipulega að innleiðingu heimsmarkmiða bæði á innlendum og erlendum vettvangi. Markmiðin veita aðhald og leiðarljós og eru afgerandi skref til að leiða heimsbyggðina á braut sjálfbærrar þróunar. Heimsmarkmiðunum er m.a. ætlað að bæta til muna líf og umhverfi allra jarðarbúa á gildistíma þeirra. Þau fela einnig í sér fimm meginþemu sem eru mannkynið, Jörðin, hagsæld, friður og samstarf. Áhersla er jafnframt lögð á það að engir einstaklingar eða hópar verði skildir eftir. Heimsmarkmiðin tengjast öll innbyrðis og eru samþætt og mynda jafnvægi milli hinna þriggja stoða sjálfbærrar þróunar: náttúrunnar, samfélags og hagkerfis. Þau krefjast aðkomu allra hvort sem eru stjórnvöld, sveitarfélög, atvinnulífið, stofnanir eða einstaklingar. Þau eiga að vera leiðarljós okkar allra í daglegu lífi. Menntun er síðan mikilvægur grunnur til þess að geta stuðlað að öllum markmiðum. Markmið fjögur fjalla síðan sérstaklega um menntun, m.a. um rétt allra til góðrar menntunar og um nauðsyn á menntun til sjálfbærni. Stefna SÞ um sjálfbæra þróun er skýr og kalla SÞ á róttæka umbreytingu samfélaga og að slík breyting tengist m.a. gildum okkar og viðhorfum. Málefnið er afar brýnt eins og Ban Ki-Moon, frv. aðalritari Sameinuðu þjóðanna 2007–2017 kom að orði: Á vef Félags Sameinuðu þjóðanna á Íslandi er hægt að kynna sér heimsmarkmiðin 17 ásamt undirmarkmiðum 169 nánar með því að smella á hvert markmið. Skoðum heimsmarkmiðin aðeins nánar. Það er lofsvert að sveitarfélög, fyrirtæki og einstaklingar hafi heimsmarkmiðin að leiðarljósi og skoði hvar og hvernig þau geta stuðlað að framgöngu þeirra í eigin rekstri, nærsamfélagi og daglegu lífi. Í slíkri vinnu er mikilvægt að meðhöndla allar hliðar af sjálfbærri þróun og hafa aðaleinkenni sjálfbærrar þróunar í huga eins og réttlæti og siðferðislega og heildstæða nálgun. Með það í huga þarf ekki einungis að skoða Okkar kynslóð er sú fyrsta sem getur útrýmt fátækt og sú síðasta sem getur spornað gegn lofslagsbreytingum. Ban Ki-Moon
RkJQdWJsaXNoZXIy MjIxNzc=