Margt er um að velja

Kennsluleiðbeiningar Margt er um að velja | 40202 | 59 Góð hugmynd 1 Góð hugmynd er að gera könnun á meðal nemenda á þeim álitamálum sem upp kunna að koma í umræðum. Þá er hægt að bera saman hvort mikill munur finnist á milli kynjanna í hugsun þeirra um störf. Gott er að hafa litla bréfmiða í tveimur ólíkum litum við höndina. Þá er hægt að dreifa mismunandi litum eftir kyni og gera í fljótu bragði könnun á því hvort munur finnist á milli kynjanna. Dæmi um samanburðarkönnun væri: Hvort skiptir virðing starfs eða laun meira máli? Niðurstöðum er safnað saman og talning atkvæða fer fram á töflu. Góð hugmynd 2 Önnur hugmynd er að kennari getur fundið frásagnir karla og kvenna í störfum sem teljast óhefðbundin fyrir þeirra kyn. Hægt er að slá inn í leitarvél „karlar í kvennastörfum“ eða „konur í karlastörfum“ og finna þar reynslusögur og áhugaverðar frásagnir. Hér gætu nemendur uppgötvað fyrirmyndir sem hvetur þau til að skoða störf þar sem þeirra kyn er í minnihluta.