Mannslíkaminn - Litróf náttúrunnar

80 taugakerfið er gert ... 5.1 Sími, með hlífðarlagi úr fitu, flytur boð eftir taugafrumu Margir taugaþræðir tengjast vöðvafrumum. Boðin valda því að vöðvinn dregst saman. Gripla tekur á móti taugaboðum Frumubolur Taugamót Stefna taugaboðs Símaendi Vöðvi Taugamót Myndin sýnir tengingar milli taugafrumna í heilanum. Hver taugafruma tengist þúsundum annarra frumna. Taugafrumur geta flutt taugaboð Taugakerfi okkar er gert úr aragrúa taugafrumna. Í sameiningu mynda þær flókið net sem getur sent boð um líkamann og tekið á móti boðum. Hver taugafruma er gerð úr frumubol og grönnum taugaþráðum . Frumurnar geta flutt veik rafboð sem kallast taugaboð . Taugaboðin berast til frumubolsins með stutt­ um taugaþráðum sem kallast griplur . Boðin berast svo áfram til annarra taugafrumna eftir löngum taugaþræði sem kallast sími . Síminn greinist í endann og þar verða margir símaendar . Sumir símar eru bara fáeinir milli­ metrar á lengd, en aðrir geta verið meira en metri á lengd. Boðin berast hraðast eftir gildum taugasímum sem hafa um sig hlífðarlag úr fitu. Þar geta boðin farið meira en 100 metra á sekúndu, yfir 360 kílómetra á klukkustund. Taugaboð berast áfram til annarra frumna Endi hvers taugaþráðar eða síma, sem liggur frá frumubolnum, greinist í marga smærri þræði sem tengjast öðrum frumum. Staðurinn þar sem símaendi tengist himnu annarrar frumu, heitir taugamót . Ef fruman hinum megin við taugamótin er taugafruma geta ný taugaboð kviknað í henni. Ef fruman handan tauga­ mótanna er vöðvafruma getur taugaboð komið af stað samdrætti í henni. Hver taugafruma getur haft þúsundir tengipunkta við aðrar frumur. Þannig verður til flókið og afkasta­ mikið merkjakerfi sem getur sent gríðarlega mörg boð og tekið á móti öðrum eins fjölda boða. Taugakerfið er gert úr taugafrumum