Mannslíkaminn - Litróf náttúrunnar

1 1.1 Sérhæfðar frumur Í BRENNIDEPLI: Frá stofnfrumu til varahluta fyrir menn? 1.2 Líffærin starfa saman Í ÞESSUM KAFLA LÆRIR ÞÚ EFNI KAFLANS • að allar lífverur eru gerðar úr frumum • hvaða frumulíffæri eru í frumum • að frumur starfa saman og„tala“ hver við aðra • svolítið um krabbamein • hvað stofnfrumur eru • hvað líffærakerfi er 5 Hver maður þroskast úr einni frjóvgaðri eggfrumu (okfrumu) sem verður að öllum þeim tugum þúsunda milljarða frumna sem mynda líkamann. Líkaminn – frumur sem starfa saman Frá frumum til líffærakerfa Mannslíkaminn er undraverð smíð sem jafnvel flóknustu tölvur komast ekki í hálfkvisti við. Líkaminn er gerður úr frumum sem hver um sig er lifandi. Frumurnar starfa saman og mynda í sameiningu hin ýmsu líffæri líkamans. Í einu grammi af líkama þínum er um það bil einn milljarður frumna. Ef þú vegur 50 kílógrömm eru því um það bil 50 þúsund milljarðar frumna í líkama þínum. 1 Hvað heldur þú að frumurnar þurfi til þess að geta lifað? 2 Líkaminn er gerður úr mörgum og mismunandi gerðum frumna. Hvaða frumugerðir getur þú nefnt? 3 Hvernig heldur þú að frumur líkamans og líffæri hans geti starfað saman?