Mannslíkaminn - Litróf náttúrunnar

29 MELTING OG ÖNDUN Magaverkir geta átt sér margar orsakir Stundum finnur fólk fyrir ólgu eða verkjum í maga og ógleði. Ef þetta er mjög algengt má ætla að um einhvers konar meltingarkvilla sé að ræða. Þeir geta stafað af því að slímhúð magans hafi orðið fyrir ert­ ingu eða að vöðvar maga eða smáþarma starfi ekki eðlilega. Streita, áhyggjur, kvíði, slæmar matarvenjur, tóbaksreykingar og áfengisneysla geta stuðlað að meltingarkvillum. Stundum verkar ekki eigin vörn magans gegn súrum magasafanum. Þá getur komið gat í slímhúðina. Þetta kallast magasár og kemur nær eingöngu fyrir hjá fullorðnu fólki. Algengasta orsök magasárs er bakt­ erían Helicobacter pylori . Reykingar geta líka aukið líkurnar á því að fólk fái magasár. Nú eru til lyf sem lækna magasár á nokkrum vikum. Gagnlegar bakteríur gegn niðurgangi Yfirleitt vinna gagnlegar bakteríur, sem lifa í smáþörmunum, á þeim „skaðlegu“ bakteríum sem komast þangað með fæðunni. Ef jafnvægið milli bakteríanna raskast geta óheppilegu bakteríurnar orðið fleiri en hinar og valdið niðurgangi. Ef við erum á ferðalagi í útlöndum fáum við oft magakveisu því að við erum ekki vön öllum þeim nýju bakteríum sem við komumst í kynni við. Lyfjameðferð með sýklalyfjum getur komið ólagi á melting­ una því að lyfin drepa líka gagnlegu bakteríurnar í þarmaflórunni. Við missum mikið vatn ef við fáum niðurgang og þess vegna er nauðsynlegt að drekka mikinn vökva meðan á honum stendur. Við getum flýtt því að jafnvægi komist á aftur í meltingarveginummeð því að neyta mjólkurvara sem eru með gagnlegum og góðum bakteríum. Margar mjólkurafurðir, svo sem súrmjólk og jógúrt, innihalda heilnæmar bakteríur sem vinna gegn meltingarkvillum. Bakterían Helicobacter pylori er helsta orsök magasárs. Vísindamennirnir, sem uppgötvuðu tengsl bakteríunnar við magasár, fengu Nóbelsverðlaunin í læknisfræði árið 2005.