Mannslíkaminn - Litróf náttúrunnar

19 MELTING OG ÖNDUN Listin að borða sitt lítið af hverju Við verðum að borða fjölbreyttan og alhliða mat svo að öruggt sé að við fáum öll þau næringarefni sem við þurfum. Það merkir að maturinn þarf að innihalda sitt lítið af hverju. Þrískipti diskurinn er einfalt líkan sem auðveldar okkur að útbúa vel samsetta máltíð. Í líkaninu er matvælum skipt í þrjá flokka . Í þeim fyrsta eru meðal annars kartöflur, hrísgrjón, pasta og brauð. Í öðrum flokknum er græn­ meti, rótarávextir, ávextir og ber. Í þriðja flokknum er kjöt, fiskur, egg og baunir. Í hverri máltíð á að vera eitthvað úr öllum flokkunum þrem­ ur. Kartöflur, hrísgrjón eða pasta og grænmeti eiga að vera fyrirferðar­ mest á diskinum. Minna á að vera af kjöti, fiski, eggjum og baunum. Grænmetisætur Þeir sem eru grænmetisætur borða hvorki kjöt né fisk. Þá er nauðsynlegt að gæta þess sérstaklega vel að máltíðir séu settar saman úr matvælum sem innihalda í heild nægilega mikið af prótínum. Í máltíð með soja­ baunum og sveppum getur til dæmis verið nægilegt magn af prótínum og hún getur því komið í staðinn fyrir kjöt og fisk. Grænmetisætur þurfa yfirleitt að borða meira en aðrir til þess að fá nægilega orku og næringarefni. Það á þó einkum við um þá sem eru grænkerar , það er að segja þá sem borða alls ekkert úr dýraríkinu, hvorki kjöt, fisk né egg eða nokkrar mjólkurafurðir. Við borðum meira en 40 tonn af matvælum á ævinni. Þrískipti diskurinn. Matvælunum má skipta í þrjá flokka. Við eigum að borða úr hverjum flokki daglega. Ávextir og grænmeti 40% Prótín 20% Kolvetni 40%