Maður og náttúra

139 ÞRÓUN LÍFSINS Ættkvísl hins vitiborna manns kemur fram Elstu steingervingar af lífveru af okkar eigin ættkvísl, hinum vitiborna manni, Homo , eru um 2,4 milljóna ára gamlir. Þeir eru af öðrum frum- manni sem nefndur er hæfimaður , Homo habilis . Hann var hugsanlega fyrsti frummaðurinn sem kunni að nota verkfæri . Verkfærin voru yfirleitt steinar sem voru höggnir til á sérstakan hátt þannig að á þá fékkst hvöss egg, líkt og á hnífi. Með þeim gátu þessir forfeður manna skorið kjöt af dýrum og brotið bein til þess að ná mergnum. Frummenn gátu nýtt sér prótínríka fæðu í ríkari mæli en forfeður þeirra og talið er að það hafi stuðlað að frekari stækk- un heilans . Stærra heilabú stuðlaði svo að þróun samstarfs við veiðar og kom sér einnig vel í samkeppni við önnur rándýr. Reismaður , Homo erectus Hinn vitiborni maður , Homo sapiens Reismaðurinn yfirgefur Afríku Fyrir um 1,6 milljónum ára kom reismaðurinn , Homo erectus , fram á sjónarsviðið í Afríku. Heilinn var tvöfalt stærri en í simpansa en þó talsvert minni en í nútímamönnum. Reismaðurinn smíðaði ýmiss konar verkfæri og kunni að kveikja eld . Reismaðurinn var fyrstur ættingja okkar til þess að flytja frá Afríku . Steingervingar af honum hafa fundist bæði í Asíu og Evrópu. Reismaðurinn þróaðist á mismunandi vegu í hinum ýmsu heims- hlutum. Í Evrópu kom neanderdalsmaðurinn fram fyrir um 400 000 árum. Þetta var á einni af ísöld- unum og hann átti auðvelt með að laga sig að köldu loftslaginu. Nei, þessir hittust aldrei, en steingervingar af þeim benda til sameiginlegrar fortíðar. Kannski hjá einhverjum af ættingjum Lúsíar.