Maðurinn hugur og heilsa

16 Vöðvar Ef engir vöðvar væru í líkama þínum gætirðu ekki hreyft þig – ekki staðið, ekki deplað augunum, ekki tuggið, stokkið eða dillað tánum. Ekki neitt! Þegar Jón vaknaði einn morguninn fann hann strax að eitthvað var að. Hann gat sig hvergi hreyft án þess að hann sárkenndi til. Hvað var hér á seyði? Hafði hann breyst í nírætt gamalmenni á einni nóttu? Svo rann það upp fyrir Jóni hvað var að. Í gær hafði verið kapphlaup í leikfimitímanum. Jóni þótti það svo gaman að hann lagði sig allan fram og reyndi að komast alltaf fyrstur í mark. Á eftir var hann úrvinda. Hann fleygði sér örmagna og másandi á bekk í búningsklefanum. Skýringin á því hve sárþjáður Jón var þegar hann vaknaði var augljós. Hann var með strengi vegna ofreynslu! S v o n a l í t a f r u m u r í i n n i f l a v ö ð v a ú t í s m á s j á .