Litla Lesrún

22 Silja og Lilja Þekkið þið einhver systkini? Eru þau lík? Gera þau alla hluti eins? Lesið ljóðið um systurnar Silju og Lilju og finnið orðin sem ríma. Hún elskaði að lesa hún Lilja en ekki systir hennar hún Silja. Lilja gat lesið heilt bóka-haf á meðan lá Silja bara og svaf. Skólanámið fannst Lilju létt en Silju þótti erfitt að lesa rétt. Lilju fannst lærdómur stanslaust stuð en Silju þótti hann töluvert puð. Silja var sterk og liðug sem maur en Lilja var stirð eins og Stekkja-staur. Silju fannst auðvelt að standa á haus en Lilja var alveg jafnvægis-laus. Silja gat synt eins og fiskur í sjó en Lilju fannst sturtan alveg nóg. Úti fannst Silju frábært að leika en Lilju fannst útivist gera sig veika. Já, þær voru ólíkar Silja og Lilja eins og á þessum dæmum má skilja. En þær elskuðu báðar að hafa gaman og best fannst þeim að vera saman. haf – Li l ja – Si l ja