48 MENNTAMÁLASTOFNUN – BARNAHEILL 2023 | 40342 | LÍKAMI MINN TILHEYRIR MÉR – 1.–4. BEKKUR Hvernig á að tilkynna mál og hvert? Mál sem varða kynferðisofbeldi eru krefjandi og enginn ætti að standa einn í slíkum málum. Það er því gott ef skólinn er í góðum tengslum og samskiptum við barnavernd, lögreglu og aðrar stofnanir svo auðveldara sé að hringja og ræða nafnlaust ef áhyggjur eru af barni. Allir skólar ættu einnig að hafa viðbragðsáætlun eða verkferla sem skýra hvað á að gera þegar þú hefur áhyggjur af barni. Allt starfsfólk skóla þarf að þekkja viðbragðsáætlunina. Hægt er að hlaða niður sniðmáti fyrir viðbragðsáætlun af vefsíðunni Stopp ofbeldi! Ferlinu er lýst hér í stuttu máli: • Börn sem hafa orðið fyrir kynferðislegu ofbeldi eiga oft erfitt með að treysta fullorðnum. Ef barn treystir fullorðnum nógu vel til þess að segja frá er mjög mikilvægt að standa vörð um þetta traust. Ef það er ekki gert er hætta á að barnið missi traustið og vilji ekki koma upplýsingum til barnaverndar/ lögreglu og fái því síður aðstoð. Því er mikilvægt að hafa samráð við, hlusta á og veita barninu upplýsingar, í takt við aldur og þroska barnsins og það sem raunhæft er hverju sinni. • Reyndu að skilgreina hversu miklar og alvarlegar áhyggjur þínar eru. Að þekkja börn sem eiga um sárt að binda kallar fram sterkar tilfinningar. Það getur verið erfitt að greina á milli þess sem er mikilvægast að gera fyrir barnið annars vegar og þig sjalfan hins vegar. Fyrir barnið er mikilvægt að gera eitthvað eins fljótt og auðið er en fyrir þig er mikilvægast að sitja ekki uppi með þær upplýsingar einn að barn hefur upplifað ofbeldi. *Ef þér finnst að málið sé ekki mjög brýnt og ef þú treystir þér til gæti verið skynsamlegt að verja tíma með barninu og leyfa því að fá tækifæri til að greina meira frá ofbeldinu. Hafðu á hreinu að þú munt fá þá hjálp sem þarf á að halda en mikilvægt er fyrir barnið að þú reynir að halda ró þinni. *Gerður er greinarmunur á „Nýlegu broti“ og „eldra broti.“ Ef brotið hefur átt sér stað nýlega er mikilvægt að bregðast skjótt við til að tryggja sönnunargögn. Þá geturðu til dæmis leitað til lögreglunnar/barnaverndar, ef þú hefur ekki strax samband við næsta yfirmann þinn. Þegar kemur að endurtekningarhættu, til dæmis að barnið fari aftur í sömu aðstæður og ofbeldið átti sér stað í þá er mikilvægt að þú tilkynnir málið strax svo barnavernd/lögregla geti komið í veg fyrir áframhaldandi ofbeldi.
RkJQdWJsaXNoZXIy MjIxNzc=