Lifandi náttúra - Lífbreytileiki á tækniöld

79 Aðferð 1. Útskýrið ljóstillífun fyrir nemendum t.d. með því að sýna mynd af plöntu og útskýra hlutverk mismunandi hluta hennar. Einnig er hægt að skoða myndbönd á netinu sem útskýra ljóstil- lífun. Hver og einn nemandi teiknar plöntu og setur útskýringar inn á myndina um hvernig ljóstillífun fer fram. Þegar teikningin er tilbúin, er hægt að fara með hana heim til að sýna foreldrum. • Plöntur anda eins og mosi, fléttur, gras og tré. • Plöntur nærast á vatni og koltvísýringi, þegar sólin skín á plönturnar þá ljóstillífa þær. Þá framleiðir plantan glúkósa og súrefni. Súrefni er nauðsynlegt fyrir allar lífverur til að lifa. Plöntur framleiða meira súrefni en þær þurfa. • Hægt er að gefa nemendum mola af glúkósa, til að finna hvernig hann bragðast. • Hvað gerist ef plöntur fá ekki sólarljós? Til að finna svar við þessu er hægt að: a. Skoða plöntu sem er undir steini og sjá hvernig hún er á litinn. b. Taka tvær plöntur sömu tegundar, setja eina í skugga og aðra í sólarljós. Láta þær vera þar í einhvern tíma, skoða síðan hvort einhver munur verður á plöntunum. 3.10. Ljóstillífunarleikur Nemendur læra um ljóstillífun með því að fara í tvo leiki. Árstíð: allar Staður: skólastofa, skólalóð Tími: 2–3 kennslustundir Efni og áhöld: tölva teningar reipi spjöld eða mislitir klútar (nemendur geta útbúið spjöldin) verkefnaspjöld sem hægt er að hengja í tré Námsþættir: hreyfing, líffræði Hæfni : nemendur læra um ljóstillífun þjálfast í að vinna í hóp venjast útikennslu þjálfa hreyfingu þjálfa stærðfræði