Leynifundur í Lissabon

74 ég hef engan pening sem gagnast hér í fortíðinni? Kannski get ég farið aftur til drottningarinnar. Ég bylti mér og finn að líkaminn er ekki að hvílast vel á þessum harða bedda. „Ósköp ertu þreytt greyið mitt,“ segir röddin. Þetta er kvenmannsrödd. Ég opna augun og Rita horfir á mig. Ég lít í kringum mig. Ég er ekki á skipinu, liggjandi á hörðum bedda. Heldur ligg ég á kirkjubekk, inni í kirkjunni þar sem ég hitti Vasco da Gama í gær. Ég sest upp og allt í kringum mig eru ferðamenn að skoða kirkjuna. Ég heyri sóphljóð og lít til hliðar. Þar eru hjónin sem eru klædd í eins íþróttagalla. „Rita, hvaða dagur er?“ Spyr ég varfærnislega svo hún haldi ekki að ég sé gengin af vitinu.