Leynifundur í Lissabon

59 varlega og bæti við: „Þú fannst sjóleiðina, ert þú þá ekki aðal maðurinn?“ Hann horfir á mig og broshrukkur myndast við augun og svo skellir hann upp úr. „Katla, þú ert svo skondin stelpa. Aðalmaðurinn, ég?“ segir hann og þurrkar sér um augun. Skipverjar hans flissa. Mig langar að segja þeim að í framtíðinni munu flestir þekkja nafnið hans en fáir vita hver Manuel I er. En ég veit að það er ekki mitt að kjafta frá framtíðinni. „Ég var nú ekki bara einn sem fann sjóleiðina. Ég leiddi kannski hópinn en við vorum 170 menn á fjórum skipum.“ Skipverjarnir kinka kolli til að undirstrika þátttöku sína í leiðangrinum. „Ég var skipstjórinn á São Gabriel, sem var myndarlegt seglskip, 27 metrar að lengd. Sæktu kortið og teikningarnar mínar,“ síðustu orðunum beinir hann til eins skipverjans.