Lesið í skóginn

47 MIÐSTIG UNGLINGASTIG 40212 – LESIÐ Í SKÓGINN Höfundur: Ólafur Oddsson YNGSTASTIG Fræsöfnun lauftrjáa Markmið: Kynna nemenda fyrir því hvaða tré og runnar þroska fræ, hvenær rétti tíminn er til að safna fræjum og hvernig á að geyma fræ. Þjálfa leikni nemenda á vettvangi og efla hæfni í verklegu námi. Námsgreinar: Náttúrugreinar, heimilisfræði, stærðfræði og samfélagsgreinar. Tæki og tól: Pokar fyrir hvern og einn eða sameiginlega. Fatnaður eftir veðri. Mögulega þarf stiga til að komast upp til að ná berjum og könglum. Verklýsing: Farið í fræsöfnunarleiðangur að sumri og hausti. Kortlagt hvar fræ er að finna, teknar prufur og spírunarhæfni prófuð, efniviður settur í geymslu og berjum sáð í potta, bakka eða beð. Einnig hægt að nota berin til skreyt- inga eða sultugerðar. Á pokana er skráð af hvaða tré fræin koma og viðkomandi tré merkt með lýsingu eða borða svo hægt sé að rekja uppruna fræsins. Finna má þroska berjanna með því að kreista þau á milli tveggja fingra og ef þau eru orðin lin eru þau líklega fullþroskuð. Þroski berjanna sést á litnum, s.s. litur reyniberjanna verður hárauður þegar berin eru fullþroskuð, nema gráreyniberin og ber silfurreynisins sem verða rauðbrún. Það er einmitt þá sem fuglarnir byrja að éta þau svo það er eins gott að hafa hraðan á. Oft er hægt að finna ber á jörðinni undir trjánum sem fugl- arnir geyma þar til allt annað er búið. Fræjunum þarf að ná úr berjunum því annars spíra þau ekki. Jafnframt þurfa þau að frjósa til að spíra. Ef safna á fræi af víðitegundum, s.s. selju, ösp eða víði, verður slíkt að gerast í júní eða u.þ.b. þegar fræullin fer að fjúka af trjánum. Innan í henni má finna örsmá fræ sem hægt er að sá.