Lesið í skóginn

44 UNGLINGASTIG 40212 – LESIÐ Í SKÓGINN Höfundur: Ragnhildur Birgisdóttir YNGSTASTIG MIÐSTIG Lýðræði Markmið: Að nemendur velti fyrir sér hagsmunaárekstrum skólaumhverfis m.t.t. útikennslu og útivistar og sjónarmiða skipulagsnefndar vegna landnýtingar fyrir íbúðabyggð. Efla leikni í vinnubrögðum og auka hæfni í sjálfstæðum vinnubrögðum. Námsgreinar: Samfélagsgreinar og leiklist. Tæki og tól: Saga grenndarskógarins, m.a. aldur, tilgangur og fleira. Verklýsing: Nemendum er sagt að fyrirhugað sé að nýta grenndarskóginn fyrir þjónustuíbúðir eldri borgara. Þá er farið í umræðuna um það hverjir ráða. Unglingar hafa að jafnaði ekki mikinn áhuga á stjórnmálum og finnst þau fjarlæg til- veru sinni. Hin nærtæku mál geta opnað sýn á stjórnkerfi og þjóðfélagið í heild. Er eitthvað sem þeir hafa til málanna að leggja? Getum við jafnvel komið fram með aðra tillögu fyrir sveitarfélagið? Þá er hægt að fara í hlutverkaleik. Nemendum skipt í hópa; eldri borgara, kennara og nem- enda, skógræktarinnar á staðnum, íbúa í ná- grenni grenndarskógar og síðan sveitarstjórnar staðarins. Búinn er til listi yfir kosti og ástæður nýs deiliskipulags. Hver hópur ræðir ákvörðun hreppsnefndar m.t.t. síns hlutverks, með eða á móti. Þarf að gera grein fyrir sinni afstöðu og færa rök fyrir (minnst 5 atriði) Næst er farið í vettvangsferð í grenndarskóg. Hver hópur setur saman lista fyrir hreppsnefnd. Að lokum flytur hver hópur mál sitt fyrir sveitar- stjórn á opnum fundi, þar sem málið er tekið til athugunar. Jafnvel er síðan hægt að hafa loka- niðurstöður með tilliti til þess sem hóparnir hafa haft fram að færa.