Lesið í skóginn

43 YNGSTA STIG MIÐSTIG UNGLINGASTIG 40212 – LESIÐ Í SKÓGINN Höfundur: Ólafur Oddsson Hvar verpa skógarfuglarnir? Markmið: Að nemendur átti sig á því hvaða skilyrði þurfa að vera til staðar svo einstakar fuglategundir búi til hreiður og reyni að koma upp ungum. Auka þekkingu á umhverfinu og efla hæfni í greiningu á aðstæðum. Námsgreinar: Náttúrugreinar, upplýsinga- og tæknimennt. Tæki og tól: Námsefni með á vettvang: skriffæri og blöð til skráningar niðurstaða og myndavél. Ítarefni : Fuglabækur, aðgangur að netinu – www.fuglavefur.is og www.fuglar.is Verklýsing: Leitað er að upplýsingum og það kortlagt hvar sé helst að leita að hreiðrum einstakra tegunda áður en lagt er af stað í könnunarleiðangur. Einstaka nemendur kunna að búa yfir þekkingu og reynslu sem þeir geta miðlað til annarra áður en lagt er af stað í leiðangurinn Vettvangsferð í grenndarskóg, best að vinna á varptíma skógarfugla. Verkefnið gerir ráð fyrir að nemendur leiti að hreiðurstæðum einstakra fuglategunda og finni út hvar líklegast sé að finna þau. Hvernig haga fuglarnir hreiður- stæðum sínum og staðsetningu þeirra? Hvað nýta þeir í hreiðurgerðina og nýta þeir hreiðrin lengur en í eitt ár? Nemendur skrá niður upp- lýsingar sínar og kynna niðurstöður fyrir sam- nemendum. Mikilvægt er að nemendur hafi leitað sér upplýsinga í bókum eða á netinu áður en farið er í skoðunarleiðangur. Nefna má skógarþröst, auðnutittling, músar- rindil, hrossagauk og glókoll sem dæmi um tegundir sem gott er að kynna sér.