Lesið í skóginn

14 YNGSTA STIG MIÐSTIG Unglingastig 40212 – LESIÐ Í SKÓGINN Höfundar: Bente, Dagbjört, Hrund, Margrét, Þorsteinn Fjöruferð Markmið: Kynna fyrir nemendum lífríki fjörunnar og þroska með þeim samkennd með lífi, náttúru og umhverfi. Gefa þeim tækifæri til að njóta úti- veru og skynja náttúrufegurð. Þjálfa leikni á vettvangi og efla hæfni í verklegu námi. Námsgreinar: Samfélagsgreinar, náttúrugreinar og myndmennt. Tæki og tól: Nemendur verða að vera vel undirbúnir áður en farið er í fjöruna. Þeir kynna sér lífríkið og sjávarföllin. Helstu tól eru krukkur, háfar, pokar, greiningarlykill um smádýr og öflugt ímyndunarafl. Les- og ítarefni: Komdu og skoðaðu hafið, Fjaran og hafið, Úti um mela og móa, Dagur íslenskrar náttúru – Fjaran, ásamt fræðiritum. Verklýsing: Farið í fjöru og þar safna nemendur efni sem notað er til að æfa greiningar eftir greiningar- lyklum og til annarrar úrvinnslu. Til dæmis má safna marflóm, beitukóngseggi, hrossa- þara, krabba og ýmsu öðru (eftir því sem á við á hverjum stað). Einnig er gaman að standa í fjöruborðinu og leyfa nemendum að skynja sjávarföllin. Sérstaklega er það spennandi fyrir hópa sem ekki búa við strendur landsins. Í raun eru óteljandi leiðir til að vinna úr svona ferð þegar heim er komið. Sem dæmi má nefna einhvers konar myndverk úr efniviði fjörunnar þegar hann hefur verið þurrkaður.