Leiklist í kennslu

52 LEIKLIST Í KENNSLU 9. Frá hugmynd til sýningar Í þessum kaf la eru leiðbeiningar um hvernig má setja saman dagskrá eða sýningu sem er byggð á námsefni eða hugmyndum sem kennari og nemendur koma sér saman um. Ímyndunaraf l, sköpunarhæfni nemenda og sjálfstæð vinnubrögð eru lögð til grundvallar og ferlinu lýkur með því að útkoman er sýnd öðrum. Markmið kennara er að virkja nemendur og æfa þá í skrif legri og munnlegri túlkun, að þjálfa nemendur í nýtingu á rými og í að hreyfa sig á óteljandi vegu. Einnig að styrkja sjálfstraust þeirra gagnvart eigin verkum og stuðla að sjálfstæðu gildismati og gagn- rýnni hugsun. Sýning þar sem stór hópur kemur fram á sviði er mikilvægt og jákvætt agatæki. Tækni og reglur leikhússins gera kleift að leiðbeina heilum bekkjardeildum við að koma fram og sýna það sem þær hafa fram að færa og stuðla þannig að styrkingu á sjálfsmynd nemenda. Þegar öðrum nemendahópum er boðið á slíkar sýningar er rétt að leggja áherslu á að áhorfendur séu tilbúnir að hlusta áður en sýning hefst og gera þeim ljóst að þeir verða að bera virðingu fyrir því sem fram fer á sviðinu. Til þess að sýning takist vel þurfa allir að vera á sínum stað á réttum tíma með þá hluti sem nota skal hverju sinni. Virðingin fyrir því sem er að gerast á sviðinu er í fyrirrúmi. Mikilvægast er að kennarinn sé tilbú- inn að takast á við verkefnið, haf i gaman af því og haf i úthald þó eitt- hvað bjáti á. Í þessum kaf la er fjallað um fjórar gerðir af bekkjarsýn- ingum: • Sýning sem hluti af námsferli. • Listasmiðjur. • Leikgerð eftir sögum. • Leikþættir byggðir á persónusköpun. Skipta má ferlinu í f imm þætti: Kveikju, úrvinnslu, samantekt og sýn- ingu. Námsmat er síðan lokaþáttur. Kveikja Mikilvægt er að undirbúa byrjunina vel. Takist kennara að vekja áhuga nemenda strax í upphafi er mikið unnið. Kveikja getur verið eitt hug- tak, ein setning, ljóðagerð eða innlifun af einhverju tagi. Orðið ,,lyk- ill“ getur til dæmis verið góð kveikja. Í orðinu felst ýmislegt, bæði beint og óbeint. Nemendur hafa reynst hugmyndaríkir þegar þeir átta sig á að skoða orð frá mörgum sjónarhornum. Kennari finnur síðan leiðir til að vinna úr hugmyndum nemenda. Þegar sýning er útbúin út frá hug- taki getur verið áhrifarík byrjun að nemendur skrifi ljóð um hugtakið. Sjá dæmi um slíka kveikju. 20 Leikferli Kennari býr til ramma þar sem ákveðið er hversu langt er hægt að ganga varðandi tímalengd, tímasetningar, möguleika á tækni og hvort leggja megi í aukakostnað. Áríðandi er að kennarinn fylgist með þeim nemendum sem hafa sig lítið í frammi, fái þeim verkefni, gæti þess að 20 Anna Jeppesen. 1994. Mál og túlkun . 8. kaf li.