Leikgleði - 50 leikir

Hreystileikir Leik gleði 41. Snjókarlar Stutt lýsing: Eltingaleikur þar sem eitt barn„frystir snjókarla“ á meðan annað barn„bræðir þá“. Hin börnin hlaupa frjálst um svæðið og reyna að komast hjá því að vera fryst. Námsmarkmið: • Þjálfun grunnhreyfinga • Líkamsvitund • Líkamshreysti • Efla skynþroska • Efla sköpunargleði Hvar: Hvar sem er á opnu svæði. Hvenær: Hvenær sem er en best þegar snjór er úti. Tími: Ótakmarkaður. Fjöldi: Ótakmarkaður. Undirbúningur: Minni en 10 mínútur. Áhöld: Engin. Hvernig: Eitt barn er valið til að elta og„frysta snjókarla“ og annað til að frelsa eða„bræða snjókarla“. Ef barn er klukkað þá breytist það í frosinn snjókarl og verður að standa kyrrt á þeim stað þar sem það var klukkað með hendur út til hliðanna. Barnið sem bræðir getur þá gefið frelsi með því að „slá fimmu“ á frosna hendi snjókarls. Skipt er um hlutverk með nokkurra mínútna millbili. Útfærsla: Stjórnandi getur útfært leikinn eftir aldri og getu barnanna. • Breyta má fjölda þeirra sem frysta og bræða. Það getur breytt virkni í leiknum umtalsvert en þá þarf að passa tímann á hverri lotu. • Í lok hverrar umferðar má telja hve margir voru frosnir þegar stjórnandi flautar.