Leikgleði - 50 leikir

Hreystileikir Leik gleði 31. Hvít og rauð blóðkorn Stutt lýsing: Hefðbundinn eltingaleikur. Námsmarkmið: • Þjálfun grunnhreyfinga • Líkamsvitund • Líkamshreysti • Efla skynþroska • Efla eftirtekt • Samvinna Hvar: Hvar sem er. Hvenær: Allt árið um kring. Tími: Ótakmarkaður. Fjöldi: Ótakmarkaður. Undirbúningur: Minni en 10 mínútur. Áhöld: Merkingar fyrir leiksvæði. Hvernig: Börnin hlaupa um í pörum og eru rauð blóðkorn. Tvö til þrjú börn eru síðan valin til að vera hvítu blóðkornin sem reyna að stöðva rauðu blóðkornin. Ef hvítt blóðkorn nær pari þá á það að mynda æð, með því að setja lófa saman upp í loft og tær saman svo að annað par geti hlaupið í gegn og frelsað það. Hvítu kornin eiga að reyna að ná að stöðva öll rauðu kornin. Útfærsla: Stjórnandi getur útfært leikinn eftir aldri og getu barnanna. • Rauðu blóðkornin gera ýmsar útfærslur af stöðu þegar þeim er náð, t.d. að standa á öðrum fæti, vera í armbeygjustöðu, setja bök saman eða vera í hnébeygju. • Virknin í leiknum verður meiri eftir því sem fjöldi hvítu kornanna, þ.e. þeirra sem elta, er meiri.