Leikgleði - 50 leikir

Samvinnuleikir Leik gleði 17. Krákur, leiðtogi og rannsakandi Stutt lýsing: Börnin koma sér fyrir í hring og fylgja hreyfingum leiðtoga án þess að sá sem rannsakar finni út hver leiðtoginn er. Námsmarkmið: • Þjálfun grunnhreyfinga • Líkamsvitund • Líkamshreysti • Efla skynþroska • Efla eftirtekt • Samvinnaw Hvar: Hvar sem er. Hvenær: Allt árið um kring. Tími: Ótakmarkaður. Fjöldi: Ótakmarkaður. Undirbúningur: Minni en 10 mínútur. Áhöld: Engin. Hvernig: Börnin koma sér fyrir í hring og stjórnandi velur rannsakanda sem á að finna út hver er leiðtoginn. Rannsakandinn kemur sér fyrir inni í miðjum hringnum og lokar augunum. Stjórnandi velur þá þann sem á að byrja að vera leiðtoginn, gerir það mjög hljóðlega án orða. Leiðtoginn á að gera hreyfingar sem aðrir í hópnum, krákurnar, herma eftir. Markmiðið er að hann nái að halda öllum krákunum á hreyfingu viðstöðulaust án þess að rannsakandinn finni út hver hann er. Leiðtoginn verður að vera mjög laumulegur og skipta milli æfinga þannig að rannsakandinn sjái það ekki. Rannsakandinn má giska þrisvar sinnum hver sé leiðtoginn en giski hann rétt þá skiptast hlutverk, rannsakandinn breytist í kráku og leiðtoginn verður rannsakandinn. Stjórnandi velur nýjan leiðtoga. Útfærsla: Stjórnandi getur útfært leikinn eftir aldri og getu barnanna. • Leika má leikinn án þess að vera í hring. • Nota má áhöld s.s. bolta, sippubönd eða annað til að auka fjölbreytni hreyfinga. • Hafa fleiri en einn leiðtoga ef hópurinn er stór eða skipta upp í fleiri hringi. • Nota hreystiæfingar og sprell til skiptis. Hmm ... hver er það sem er leiðtoginn?