Leikgleði - 50 leikir

Námsleikir Leik gleði 9. Stafarugl (risa scrabble) Stutt lýsing: Börnin vinna orð út frá þeim fjölda stafa sem þau safna á ákveðnum tíma. Námsmarkmið: • Þjálfun grunnhreyfinga • Líkamsvitund • Líkamshreysti • Efla skynþroska • Læsi • Íslenska • Samvinna • Sköpunargleði Hvar: Hvar sem er en skemmtilegast á grónu svæði. Hvenær: Allt árið um kring. Tími: Ótakmarkaður. Fjöldi: Ótakmarkaður. Undirbúningur: Stjórnandi útbýr eða prentar út spjöld með bókstöfum sem gefa ákveðinn fjölda stiga og plastar þau ef vill. Ágætt er að hafa spjöldin ekki minni en A6, þ.e. ¼ af A4. Því ef nemendur eru nokkrir í hverjum hóp þá hafa allir betri yfirsýn yfir stafina. Eftirfarandi fjöldi og stigagjöf fyrir stafina fylgir: Áhöld: Blöð og tússpennar eða útprentuð blöð. Hvernig: Börnunum er skipt upp í tvö jöfn lið eða fleiri eftir fjölda. Hvert lið fær sitt svæði og vegalengdin sem liðin hlaupa inn á miðju vallar til að sækja sér spjöld verður að vera jafnlöng hjá öllum. Það má vel vera á íþróttavelli með fjögur horn eða hlaupa beint, fer allt eftir stærð og umfangi leiksvæðis. Athugið að stafa- spjöldin verða að vera á hvolfi þannig að nemendur geti ekki valið sér stafi. Eitt barn í hverju liði hleypur inn að miðju, sækir sér eitt spjald og kemur með til baka í hópinn sinn og svo koll af kolli. Hvert lið reynir að safna sem flestum spjöldum á þeim tíma sem stjórnandi gefur t.d. 5 mínútur. Þegar sá tími er liðinn fá börnin aftur 5 mínútur til að mynda orð úr þeim stöfum sem þau söfnuðu. Útfærsla: Stjórnandi getur valið undirlag og stærð svæðis eftir aldri og getu barnanna. • Leika má nokkrar umferðir og börnin skrá þá hjá sér orðin sem þau ná að útbúa í hverri umferð og stigin. • Með yngri börnum má sleppa því að telja saman stigin en einbeita sér að því að setja saman orð. • Það má leika leikinn þar til stafirnir hafa klárast, þá gefst lengri tími til að finna fleiri orð. • Samþætta má leikinn með öðru tungumálanámi en þá skal passa að bæta stöfum við úr því tungumáli sbr. å-ø-c-z-q, í dönsku. 1 stig: A ×10, I ×8, N ×8, R ×7, E ×6, S ×6, U ×6, T ×5 2 stig: Ð ×5, G ×4, K ×3, L ×3, M ×3 3 stig: F ×3, O ×3, H ×2, V ×2 4 stig: D ×2, Á ×2, Í ×2, Þ ×1 5 stig: J ×1, Æ ×1 6 stig: B ×1, É ×1, Ó ×1 7 stig: Y ×1, Ö ×1 8 stig: P ×1, Ú ×1 9 stig: Ý ×1 10 stig: X ×1 0 stig: auðir x 2