SAMFÉLAGSGREINAR 59 LÍFSLEIKNI YNGSTA STIG / MIÐSTIG LÍKAMI MINN TILHEYRIR MÉR Líkami minn tilheyrir mér eru teiknimyndir í fjórum þáttum þar sem fjallað er um líkamann, mörk og kynferðisofbeldi. Kynferðislegt ofbeldi á börnum á sér stað oftar og nær okkur en við höldum og er mjög skaðlegt þeim sem fyrir því verða. Öll börn eiga rétt á vernd og þurfa að geta leitað til fullorðinna sem þau treysta og sem geta rætt við þau um kynferðisofbeldi, að það er ólöglegt. Áður en horft er á hvern þátt er mælt með að kennari kynni sér efnið vel þar sem það er mjög viðkvæmt og tekur á erfiðum málefnum. Um er að ræða aðstæður sem börn geta lent í og er efninu ætlað að leiðbeina þeim hvað best er að gera ef þau lenda í slíkum aðstæðum. Með þáttunum fylgja samtalsspjöld og kennsluleiðbeiningar sem hugsaðar eru til að vinna með börnum á leikskóla. Einnig fylgja efninu kennsluleiðbeiningar fyrir 1.– 4. bekk og sniðmát af bréfi ef skólar vilja senda forsjáraðilum upplýsingar um fræðsluna. KYN, KYNLÍF OG ALLT HITT Kyn, kynlíf og allt hitt er kynfræðslubók sem tekur til barna og fjölskyldna af öllum gerðum, kynjum og kynhneigðum þannig að öll börn og allar fjölskyldur ættu að geta speglað sig í bókinni. Bókin er á myndasöguformi þar sem fylgst er með fjórum börnum fræðast um kyn og kynlíf með virðingu, traust, ánægju og réttlæti að leiðarljósi. Bókin er mikilvægur leiðarvísir um líkama, kyn og kynverund fyrir börn. Hún veitir nauðsynlegan grunn í kynfræðslu og býður þar að auki upp á samræður milli nemenda og kennara og gerir öllum kleift að koma á framfæri skoðunum sínum og upplifunum um leið og frætt er um virðingu, mörk, öryggi og ánægju. Kennsluleiðbeiningar fylgja á vef.
RkJQdWJsaXNoZXIy MjIxNzc=