Kynlíf - Strákar

Tilfinningalífið Í heilanum er uppspretta boðefna sem valda vellíðan (endorfín, serótónín o.fl .) og þau losna úr læðingi þegar við upplifum eitthvað einstakt, dásamlegt og frábært. Þegar við hlæjum finnum við fyrir svoleiðis vellíðan, þegar við hleypum ást og væntumþykju að hjartanu okkar, þegar við finnum líkamlega nautn, þegar við hlustum á góða tónlist, þegar við sjáum eitthvað sem okkur þykir ofboðslega fallegt eða stórbrotið og svo framvegis. Við getum haft áhrif á líðan okkar með því að virkja vel sæluuppsprettuna okkar. Ágætt ráð er að muna eftir að opna hjartað sitt. Svo er gott að hlæja og hreyfa sig. Eiturlyf geta skemmt þessa sæluuppsprettu okkar. Eiturlyf í líkama manns leysa þessi boðefni af hólmi og um leið missir heilinn hæfileikann til að framleiða þau. Þar með stendur ekkert eftir nema depurð og þunglyndi. Þetta er ein af ástæðum þess að ungmenni sem neyta eiturlyfja vilja oft taka líf sitt – þau sjá bara svartnætti framundan. sæluefnin í 9 heilanum Lítum nú aðeins á það sem gerist í tilfinningalífinu á kynþroskaskeiðinu. Þú kannast eflaust við skapsveiflurnar. Eina stundina stendurðu í stafni á stærsta farþegaskipi heims og öskrar út yfir hafið: Ég er konungur heimsins. Hálftíma seinna er skipið sokkið og þú svamlandi í ísköldum sjónum og átt ekki nema örfáar mínútur eftir. Og allt er þetta kannski einni bólu að kenna sem skaut upp kollinum á nefinu á þér og breyttist á nokkrum mínútum í risavaxinn ísjaka sem sökkti skipinu. En finnst þér það samt ekki æðislegt þegar hjartað bráðnar við að sjá eða heyra eitthvað sem höfðar til þín? Og kannastu ekki við hlátursköstin sem vekja sæluefnin í heilanum? Ég er svo hallærisleg og ég þoli ekki hvernig ég roðna niður í rassgat ef einhver bara lítur á mig liggur við. Í gær var Sævar rosa næs og kom og spurði út í íslenskuprófið og ég var bara eins og skítur og bullaði eitthvað um að ég kynni ekkert í þessu! Hvað er í gangi? Ohhhh. Ég þoli mig ekki. Hann heldur pottþétt að ég sé algert fífl og talar örugglega aldrei við mig aftur. HVAÐ ER SOLLA AÐ PÆLA? Hormónin eru að trufla mig Kynþroskinn 9 É g e r ó ge ðs l e ga pir ruð og reið .