Kynlíf - Stelpur

Tívolí Tívolí HVAÐ ER SOLLA AÐ PÆLA? 1. Andaðu öllu lofti frá þér. 2. Andaðu hægt að þér og fylltu magann og brjóstkassann af lofti. 3. Andaðu frá þér og og hristu pirringinn út úr þér með loftinu. – Sjáðu fyrir þér hvernig pirringurinn losnar úr maganum og svífur út úr þér með loftinu og burt frá þér. Endurtaktu þrisvar sinnum eða oftar eftir því hve pirringurinn er mikill. Prófaðu að finna loftið fara inn um nefið … hvernig það strýkst við nefbroddinn, hvernig það er kalt og þurrt eða hvernig nasa- vængirnir þenjast út. Pirringslosun: Taktíkin hennar MÖMMU – hvernig má losna við pirring? Tilfinningalífið verður að rússíbana á unglingsárunum. Sumum finnst það gaman en aðrir hefðu frekar valið hringekjuna. Það er miklu öruggara og tekur minna á taugarnar að lulla bara hring eftir hring heldur en að þeytast þetta upp og niður með magann ýmist uppi í koki eða niðri í klofi. Það finnst sumum. Hvort finnst þér skemmtilegra í rússíbanananum eða hringekjunni? Kannski finnst þér ekkert gaman í tívolí og vilt bara hafa fast land undir fótum. Þú finnur meiri tilfinningasveiflur en áður og það getur orðið stutt milli hláturs og gráts. En það er bara liður í að þroskast tifinningalega að taka dýfur af og til. Þannig nærðu líka að finna magnaða sælu þegar það er gaman að lifa. Ég hlýt að vera svona rússíbana- týpa. Ég var að springa úr pirringi í morgun – það var allt í messi heima – ekkert tannkrem til, öll handklæðin skítug og bróðir minn kláraði mjólkina áður en ég gat fengið mér Cheerios. Ohhhh … hvað gerir maður á svona stundum??? Mann langar að berja bróður sinn – en það má helst ekki ... eða öskra og stappa – en það myndi ekki gleðja fólkið á neðri hæðinni. En pirringurinn er fastur inní manni – eins og harður köggull ...ótrúlega óþægilegt. Svo ég ákvað að reyna taktíkina hennar mömmu – ég blés öllu lofti frá mér, andaði djúpt og hægt niður í maga og hristi svo pirringinn af mér þegar ég andaði út. Ég þurfti reyndar að gera þetta þrisvar sinnum og þá var eiginlega rokið úr mér ... allavega langaði mig ekki lengur að lemja Elías. Og þegar hann sagði mér að hann fengi að vita í dag hvort hann fengi að fara á skíðalandsmótið og ég fann hvað hann var spenntur þá vildi ég allt fyrir hann gera. Síðan greip ég epli og labbaði brosandi af stað í skólann. Ég kom við hjá Herdísi vinkonu en hún var ekki tilbúin og við alveg að verða of seinar ... svo ég ákvað að vera hreinskilin frekar en pirruð og sagðist labba áfram – hún gæti náð mér ef hún drifi sig. Herdís kom aðeins of seint og var rosalega pirruð ... svo fór hún að böggast í mér – svo ég spurði hvað ég hefði gert henni ... og þá spurði hún: „Af hverju fórstu á undan mér?“ „Af því þú varst ekki tilbúin og ég ætlaði ekki að verða of sein í skólann,“ sagði ég. „Já en ég gat ekkert að því gert – pabbi gleymdi að vekja mig,“ sagði Herdís og var enn mjög pirruð og tilbúin að kenna öðrum um allt. „Já en átti ég að vera sein út af því?“ spurði ég þá. „Ohhhhh ... hvað ég er pirruð – ég er örugglega komin niður í 7 í mætingu,“ sagði Herdís og mér sýndist slakna aðeins á henni. „Þú ert s.s. fúl útí mætinguna en ekki mig,“ sagði ég og hljóp á undan henni. Vitsmunalífið þroskast líka hratt á unglingsárunum. Þú gætir orðið mjög gagnrýnin á allt og alla og farið að pirra þig yfir öllu ruglinu í kringum þig. Þú lærir líka smátt og smátt að þú hefur ekki endilega rétt fyrir þér um allt – ekkert frekar en þú hefur rangt fyrir þér um allt. Aðrir sjá hlutina í allt öðru ljósi og – já, það er ekki allt sem sýnist. Það er líka spennandi pæling. T i l f i nn i nga l í f ið er í mikilli sve i f lu pæling Hvað ef ...? En akkúrat öfugt …? Getur verið að ... ? hugsun Ekki er a l l t s e m s ý n i s t ! 8