37 Kyn, kynlíf og allt hitt | Kennsluleiðbeiningar © Menntamálastofnun 2023 | 40711 Fyrir miðstig: Nemendur geta skrifað undir myndirnar hverjar aðstæðurnar eru. Í lokin, takið umræðupunktana bls. 115 með nemendum og tengið þannig saman og verkefnin Hverjum treysti ég fyrir slæmum leyndarmálum? og Góð og slæm leyndarmál. Áhugaverðir tenglar Stuttmyndin Leyndarmálið og stuðningsefni. Meira og fleira Fleiri myndbönd er hægt að nýta til að vinna með efni kaflans um snertingar og leyndarmál, til að mynda: • Tell someone you trust/Segðu einhverjum sem þú treystir, Evrópuráðið (myndböndin eru til á mörgum tungumálum, þar á meðal íslensku). • Hægt er að horfa á stuttmyndina Stattu með þér í heild sinni en horft var á kaflann um líkamann í kaflanum Allir líkamar eru ólíkir og allir líkamar eru eins. Stuttmyndina má finna hér. Samantekt Í lok þessa kafla ættu nemendur að: • geta útskýrt hvað er góð eða meiðandi snerting. • vera búin að efla færni sína í að bregðast við snertingum eða beiðni um snertingu. • geta útskýrt muninn á góðum og slæmum leyndarmálum. • geta nefnt einstaklinga sem hægt væri að leita til ef nemandi upplifir meiðandi snertingu eða slæmt leyndarmál. Hægt er að láta nemendur fylla út sjálfsmat 4 á bls. 72, þar sem þau krossa yfir þann broskarl sem þeim finnst passa best við staðhæfinguna.
RkJQdWJsaXNoZXIy MjIxNzc=