Kristin trú - Fagnaðarerindið

K R I S T I N T R Ú 10 3 KÖLLUN JESÚ Þegar Jesús var um það bil 30 ára gamall kom hann að bökkum árinnar Jórdan. Þar hitti hann mann er Jóhannes hét sem skírði hann með því að dýfa honum ofan í ána, líkt og hann hafði gert við fjölda annarra til að undirbúa þá fyrir komu Messíasar. Jóhannes hafði viðurnefnið skírari. Hann var í miklu áliti meðal fólksins. Sumir töldu jafnvel að hann væri Messías. Jóhannes neitaði því og sagði að sitt hlutverk væri aðeins að undirbúa komu frelsarans sem væri um það bil að koma fram. Þegar hann sá Jesú ganga í áttina til sín sagði hann: Sjá guðslambið, er ber synd heimsins! (Jóh. 1:2) Matteus segir frá því að um leið og Jesús steig upp úr vatninu sá hann anda Guðs svífa niður af himni í líki dúfu og heyrði rödd segja: Þessi er minn elskaði sonur, sem ég hefi velþóknun á . (Matt. 3:17) Jesús var skírður af Jóhannesi í ánni Jórdan.