Komdu og skoðaðu íslenska þjóðhætti

Ýlir Mánuðurinn fyrir jól hét ýlir. Jól hafa alltaf verið haldin á Íslandi. Fólk hefur þörf fyrir skemmtun í dimmu skammdeginu og fagnar því að sól hækki á lofti. Eftir að þjóðin tók kristni sameinuðust hin fornu jól og fæðingarhátíð Jesú. Kýr voru nú í fjósi en kindur í húsum um nætur. Fénu var hleypt út á daginn nema þegar veður voru verst. Úti fann það sér vatn að drekka eða át snjó og krafsaði eftir stráum og kvisti . Vetrarbeit sparaði hey en fór illa með landið. Inni kepptist fólk við. Allir þurftu að fá nýja flík fyrir jólin. Sums staðar var kind slátrað til að fólk fengi nýtt kjöt um jólin. Einnig var farið í kaupstaðarferðir til innkaupa. Á Norðurlandi var skorið út og steikt laufa- brauð. Kerti voru steypt úr tólg og loks voru öll hús þrifin og sópuð og fatnaður og rúmföt þvegin. Allir unnu, bæði börn og fullorðnir. 20