Komdu og skoðaðu hringrásir

2 Jörðin og lífið – Þegar ég var ung var mér kennt að það byggju margs konar verur í landinu svo sem huldufólk. – Er það? – Fyrir langa, langa löngu hélt fólk líka að jörðin væri lifandi og væri formóðir allra manna. – Hvernig veistu það? – Snorri Sturluson sagði það. Hann lifði fyrir um 800 árum og skrifaði margt um fólk á Íslandi á þeim tíma og löngu fyrr. Þetta skrifaði hann í bók sem er kölluð Snorra-Edda. – Af hverju hélt fólk að jörðin væri lifandi? – Fólkið sagði að vatnið í jörðinni væri eins og blóð dýr­ anna, steinarnir eins og bein og svo yxi gras á jörðinni eins og fjaðrir á fuglum og hár á öðrum dýrum. – Þetta er svolítið líkt. – Já, þess vegna hélt fólk að jörðin væri einhvers konar risavaxin, mjög gömul lífvera sem fæddi af sér allar aðrar lífverur og eignaðist þær aftur þegar þær dæju. – Getur það ekki alveg verið?