Kjalnesinga Saga

46 rifjið upp: 1. Búi fór til Orkneyja. Hver réði ríkjum þar á þeim tíma? 2. Hvernig líkaði Orkneyjajarli við Búa? 3. Búi hitti Harald konung hinn hárfagra sem tók honum ekki sérlega vel. Hver var ástæðan? 4. Af hverju leyfði Haraldur konungur Helga og Vakri ekki að berjast við Búa? 5. Haraldur ákvað að Búi skyldi fara í sendiferð fyrir hann. Hvert átti hann að fara og hvert var erindið? Til umræðu: • Einar Rögnvaldsson jarl í Orkneyjum býður Búa ýmiss konar upphefð ef hann setjist þar að. Hvers vegna vill hann ekki þiggja kostaboð jarlsins? • Hver var þessi konungur sem Búi hittir í Noregi? Ræðið um Harald konung hárfagra. • Hvað er Búi orðinn gamall þegar hér er komið sögu? Ritun: Hugsið ykkur nú að Búi hefði þegið boð Einars jarls og dvalið áfram við hirð hans. Hvernig haldið þið að ævi hans hefði orðið? Skrifið nú nýjan kafla um það og látið söguna þróast eins og ykkur finnst hún vera skemmtilegust.