Ísland, hér búum við - Kennsluleiðbeiningar

61 Ísland, hér búum við | Kennsluleiðbeiningar | © Menntamálastofnun 2019 | 7665 Ár á Íslandi Þjórsá er lengsta á landsins, um 230 km og sú næstvatnsmesta. Meginupptök Þjórs- ár eru í Hofsjökli og er hún því jökulá. Jökulsá á Fjöllum er stærsta áin á Norðurlandi. Vatnasvið hennar er það mesta á landinu. Þegar hún rennur til sjávar í Öxarfirði hefur hún runnið 206 km frá upp- tökum sínum. Ölfusá er vatnsmesta á landsins. Hún verður til þar sem Hvítá og Sogið mætast og er því ekki nema um 25 km löng. Ölfusá rennur í gegnum Selfoss. Skjálfandafljót er jökulá sem á upptök sín í Vonarskarði á milli Vatnajökuls og Tungnafellsjökuls. Fljótið er um 180 km langt og rennur til sjávar í Skjálfanda. Dragár og lindár blandast fljótinu á leið þess til sjávar. Jökulsá á Dal er lengsta áin á Austurlandi. Hún er einnig nefnd Jökulsá á Brú eða Jökla. Hún á upptök sín í Brúarjökli í Vatnajökli og rennur um 150 km leið til sjávar í Héraðsflóa. Lagarfljót er jökulá. Frá upptökum sínum í Eyjabakkajökli í norðanverðum Vatnajökli og niður í Fljótsdal heitir fljótið Jökulsá í Fljótsdal. Eftir það heitir fljótið Lagarfljót allt til sjávar í Héraðsflóa. Héraðsvötn er jökulá í Skagafirði. Héraðsvötn verða til þar sem Austari- og Vestari-Jökulsá koma saman en báðar eiga upptök sín í Hofsjökli. Blanda á upptök sín í Hofsjökli. Á 125 km leið sinni rennur hún loks til sjávar í Húnaflóa. Við ósa Blöndu er Blönduós. Hvítá í Borgarfirði á upptök sín í Langjökli. Hún rennur til sjávar í Borgarfirði. Í Hvítá renna margar laxveiðiár. Norðurá í Borgarfirði er um 61 km löng dragá. Hún á upptök sín á Holtavörðuheiði og renna í hana margir lækir og ár. Norðurá er mikil laxveiðiá. Kúðafljót er ein af mestu jökulám á Suðurlandi. Í Kúðafljót renna margar ár á stóru svæði. Markarfljót á upptök sín að mestu í Mýrdalsjökli og er því jökulá. Markarfljót er um 100 km langt. Sogið er stærsta lindá landsins og góð laxveiðiá. Sogið rennur úr Þingvallavatni um 19 km leið þar sem það blandast Hvítá. Eftir það heitir áin Ölfusá. Fnjóská á Norðurlandi er lengsta dragá landsins. Hún á upptök sína á Sprengisandi og rennur til sjávar í Eyjafirði.