Íslam - Að lúta að vilja guðs

4. Seinni vormánuður (rab-ul-akhir). 5. Fyrri þurrkamánuður (jamadi-ul-awwal). 6. Seinni þurrkamánuður (aamadi-ul-akhir). 7. Lotningarmánuður (rajab). Tuttugasta og sjöunda dag lotningarmánaðar halda múslimar upp á næturferðarhátíð­ ina en sagan segir að þá hafi Múhameð ferðast frá Mekku til Jerúsalem og þaðan stigið upp til himna. 8. Skiptingamánuður (sha’aban) . Um nóttina þegar fullt tungl er í skiptingamánuði hefst örlagahátíðin en þessa nótt fagna múslimar því að Múhameð sigraði í Mekku. Sumir múslimar trúa að Guð skoði allt mannkynið á þessari nóttu og ákveði örlög þess. 9. Hitamánuður (ramadhan). Múslimar fasta allan hitamánuðinn frá sólarupprás til sólseturs. Hápunktur föstunnar er nótt máttarins sem er 27. dagur hitamánaðar en þá fékk Múhameð fyrstu opinberun sína. 10. Veiðimánuður (shawwal). Föstuendahátíðin, næsthelgasta hátíð múslima, er haldin á fyrsta degi veiðimánaðar. 11. Hvíldarmánuður (dhul qadah). 12. Pílagrímsmánuður (dhul hijja) Fórnarhátíðin, helgasta hátíð múslima, er haldin 10. dag pílagrímsmánaðar. Sömu nótt og tilræðismennirnir ákváðu að myrða Múhameð vitr­ aðist Gabríel honum, sagði honum hvað væri í vændum og hvað hann ætti að taka til bragðs. Múhameð fór þá til vinar síns, Abu Bakr og sagði að þeir skyldu flýja um nóttina því setið væri um líf hans. Þeir vissu að leitarflokkur yrði sendur út um leið og það uppgötvaðist að Múhameð var flúinn. Því ákváðu þeir að fara í gagnstæða átt og riðu að nálægum helli. Sonur Abu Bakr fór með þeim og fjárhirðir hans elti þá með hjörðina og máði þannig út sporin eftir úlfaldana. Brátt vaknaði sá grunur að Múhameð hefði ekki farið til Medínu heldur falið sig í helli í fjöllunum. Á þriðja degi heyrðu Múhameð og Abu Bakr menn nálgast hellinn. Múhameð leit á Abu Bakr og sagði: ,,Hafðu ekki áhyggjur því Guð er með okkur.“ Mennirnir komu nær hellinum en námu staðar fyrir framan hann. 23 Í S L A M