Hugrún – Sögur og samræðuæfingar

25 En aftur að spurningunni hennar Gunnu. Kennarinn virtist vera ánægður með spurninguna. Ég held að það hafi verið nákvæmlega þá sem ég hætti að vera Gunnu þakklát. En hvað um það. Það sem ég man í svarinu er að það kallist trúfrelsi þar sem enginn getur skipað manni að trúa á einhvern sérstakan guð. Og enginn getur einu sinni skipað manni að trúa á einhvern guð. Fólk hefur rétt til að trúa því sem það vill sjálft. Ég er reyndar enn þá ánægð með þetta svar. Ég held að ég skilji þetta orð og svo er ég líka svo ánægð með að ég ein ákveð hverju ég vil trúa. Ég held að ég sé svona glöð með svarið af því að ég hélt áður að einhverjir aðrir ættu að ráða hverju ég trúi. Ekki spyrja mig hvaðan sú hugmynd kemur. Ég er alla vega ákveðin í því núna að trúa því að það sé trúfrelsi fyrir alla á Íslandi, að minnsta kosti þar til annað kemur í ljós. Spurningar Hverjar af eftirfarandi spurningum eru mjög erfiðar? Af hverju? Hvernig eru froskar á litinn? Hvað er í sjónvarpinu í kvöld? Er Stundin okkar skemmtileg? Er sólin falleg? Hver á að ráða því hverju ég trúi? Af hverju eru sumir hræddir við að spyrja spurninga? Hvað er frelsi? Hvað er hamingja? Trúfrelsi Af hverju vilja sumir stjórna því hverju aðrir trúa? Get ég stjórnað því sjálf(ur) hverju ég trúi? Þarf ég alltaf að vita af hverju ég trúi einhverju? Er trúfrelsi mikilvægt? Vissa Get ég verið viss um að … rigningin sé blaut? reykingar séu óhollar? mjólk sé góð? fólk sé gott? hugmynd sem ég fæ sé góð? Guð sé góður? Guð sé til?