Hugfinnur - handbók um bókmenntahugtök

55 Nútímaljóð Hugtakið nútímaljóð er einkum notað um ljóð sem eru ekki ort inn í hefðbundið form með ljóðstöfum, rími og reglulegri hrynjandi, sbr. bragform. Stundum er orðið atómljóð notað yfir þessa tegund ljóða. Nútímaljóð eru ekki ný af nálinni því snemma á 20. öld komu fram ljóðskáld sem brydduðu upp á nýjungum með form og efnistök. Fyrsta íslenska nútíma- ljóðið er Sorg eftir Jóhann Sigurjónsson og er það talið ort árið 1908. Myndmál fékk aukið vægi, bragreglur voru látnar lönd og leið og sum ljóðin líktust óbundnu máli, svokölluð prósaljóð litu dagsins ljós. Nýgervingar Ein tegund af myndmáli er kölluð nýgerving. Hún felst í því að unnið er markvisst með sömu myndina í heilli vísu, kvæði eða ljóði. Jafnvel er hægt að nota nýgervingu í texta í óbundnu máli. Orrustuvöllurinn Vopn þín voru orðin sem hittu mig í hjartað, áður en ég hafði mundað vopn mín var hjarta mitt blæðandi, litlar örvar mínar máttlausar, ég kom engum vörnum við enda komstu mér í opna skjöldu. Svanhildur Kr. Sverrisdóttir Ljóð Vegna þess hve sjálfstraust mitt er brothætt sit ég og grúfi mig inn í mína eigin skel. Vegna þess að ég mun aldrei geta sagt þér hversu vænt mér þykir um þig er skel mín full af útsprungnum blómum sem eru mér ímynd þín og ég safna saman í stóran vönd og legg við náttborð þitt hverja nótt er þú sefur. Elísabet Þorgeirsdóttir