HÖNNUN KÖNNUN

3 4 Aðferð: 1. HÓPVINNA: Nemendur gera stikkorðalista/hugarkort um atriði sem skipta máli, nálgunarleiðir út frá jákvæðum eða neikvæðum áróðri. Nemendur huga að stíl og nálgun. Þeir skissa og vista hjá sér hugmyndir í verkmöppur, prófa letur, sjá hvað passar málefninu og huga að sambandi texta, leturs og myndmáls. 2. Nemendur vinna veggspjald í teikniforriti (s.s. illustrator/indesign). Vinna má með ljósmyndir, grafík og letur. (Ef týpógrafískt speglaverk er valið er unnið á hvítan grunn með svart letur, verkið svo ljósritað eða prentað á glærur.) 3. Verk prentuð út og hengd upp á viðeigandi staði. (Speglaverk – Hengið á salernisspegla eða glerhurðir og takið myndir af verkunum eða skjalfestið virkni verka á einhvern hátt. Birtið á vef/bloggi/blaði og vistið í verkmöppum. Að verkefni loknu er tilvalið að hafa umræður um verkefnið, yfirferð og ræða þá áhrif framsetningarinnar og þátt hennar í verkinu, s.s. uppsetningu á spegla og hvaða áhrif það hafði að gera veggspjöld á þann hátt. Eins er áhugavert að ræða hvort nemendum finnist áhrifaríkara að vinna út frá jákvæðum eða neikvæðum áróðri eða öfugum formerkjum. Hægt er að hugsa sér að nemendur flögri um netið og birti á bloggi veggspjöld eða auglýsingar sem þeim finnst athyglisverðar eða áhrifaríkar og segi í einni setningu hvers vegna. Bjargir: Skissubækur, blöð, skriffæri, veraldarvefur, tölvur, teikniforrit, tímarit, glærur. Leitarorð: Tibor Kalman · Benetton Hvað er meira spennandi en að tipla út á þessa fallegu grasflöt?