Hljóðleikhúsið

HLJÓÐLEIKHÚSIÐ | © Saga og kennsluverkefni Rannveig Björk Þorkelsdóttir | © Menntamálastofnun 2020 18 SAGA 4 Kópurinn Georg Georg vaknaði á undan öllum hinum selunum. Hann var ekki alveg viss um hvað það var sem vakti hann en hann vissi að það var eitthvað skrítið ♪ hljóð . Hljóð sem hann hafði aldrei heyrt áður. Svona ♪ djúpt og langt hljóð eins og einhver væri að kalla á hann. Georg velti sér af skerinu og steypti sér í ♪ sjóinn . Mamma hans svaf vært ásamt mörgum öðrum selum sem höfðu safnast saman á skeri fyrir utan hafnarmynnið. Georg ♪ synti í smástund í sjónum og reyndi að átta sig á því úr hvað átt ♪ hljóðið barst. Georg leit út á hafið og sá ekkert svo langt sem augað eygði. Hann leit í átt að höfninni og sá ekkert athugavert þar heldur. En hann sá bara ekki alla höfnina. Mikill brimgarður umlukti stóran hluta af höfninni og lá í stórum boga langt út á hafið. Á þessum garði átti fjöldinn allur af sjófuglum heima og minnti ♪ gargið og ♪ kvakið stundum á ♪ lúðrasveit á æfingu. Nú heyrði Georg hljóðið aftur. ♪ Langt og djúpt og mjög spennandi. Hann ákvað að synda út að varnargarðinum og athuga hvort hljóðið kæmi ekki örugglega þaðan. Georg synti í rólegheitum og mundi vel eftir ♪ varnaðar- orðum mömmu sinnar um að svo langt að heiman mætti hann ekki fara. Það var bara eitthvað við þetta ♪ hljóð sem Georg varð að athuga. Hann hafði aldrei heyrt svona hljóð áður. Það var kannski ekki nema von því Georg var svo ungur. Þegar Georg var alveg að koma að garðinum sá hann fjölda máva koma ♪ flögrandi að úr öllum áttum og setjast á sjóinn. Mávarnir ♪ görguðu hver í kapp við annan og það var ekki laust við að Georg væri aðeins brugðið. Hann var að hugsa um að snúa við en það var eitthvað þarna sem var svo spennandi að hann varð bara að halda áfram.