Varúð - Hér býr ... Vampíra

39 EFRI HÆÐIN Ég gríp í Marius og toga hann upp tröppurnar. Þegar upp er komið sé ég Hvæsa á hlaupum í rauða stiganum sem liggur upp á efri hæðina. Aftur pípir síminn minn hátt. Rafhlaðan er alveg að klárast. „Ert þú með síma … þú veist, með vasaljósi?“ „Nei, ég á bara takkasíma. Marta … við verðum að fara. Ég held við … við séum … séum heima hjá vampíru.“ Ég bíð eftir að Marius segi djók og fari að hlæja. En það gerist ekki. Honum virðist fúlasta alvara. „Þú hefur geggjað ímyndunarafl,“ svara ég brosandi. Ég ætla að labba upp en Marius grípur í höndina á mér. „Hugsaðu málið Marta. Leðurblakan á útidyrunum, miðaldahúsgögn, eldgamlar ljósmyndir, könguló frá Rúmeníu og sérstakt tannkrem fyrir augntennur?