Varúð - Hér býr ... Vampíra

34 Við erum næstum dottin því fyrir framan okkur er ekki herbergi heldur brattur stigi. Tröppurnar liggja niður í dimman og kaldan kjallara. Ég sný mér við og sé stjarfan augnsvip Mariusar. Svo kveiki ég aftur á vasaljósinu í símanum. „Vá, sjáðu alla köngulóarvefina.“ Marius strýkur höndinni í gegnum hárið á sér og togar út klístraða hvíta þræði. „Vonum bara að þær séu ekki stórar …“ svara ég og held áfram niður stigann. „Köngulær á Íslandi eru aldrei stórar. Ekki eins og í Rúmeníu.“ „Hefurðu komið þangað?“ spyr ég hissa. Fólk sem ég þekki fer yfirleitt bara í ferðalög til Tenerife eða Danmerkur. „Ég er þaðan. Pabbi minn er sko rúmenskur. Við förum oft í heimsókn til ömmu í Rúmeníu.“ „Vá, kúl. Og hefurðu séð risastórar köngulær heima hjá henni?“ spyr ég um leið og við stígum úr neðstu tröppunni. Hvar er Hvæsi eiginlega?